نفسي أشوف كل حاجه
من غير ما يبقي عليها تراب
نفسي أصفي شوية شهد
من جوه قلب العذاب
نفسي أعمل ، نفسي معمل
كل يد تحط بصمة
بالتجارب ، فكر محارب
ضلع صلب جاي م النسمة
نفسي أتناول النجوم
علي أد عدد مواضيع الهموم
علشان أكون عالم منير
يبدد من حواليا الضلمة
نفسي أعدي بالثواني
علي باب الدهر الكبير
إن شالله لو أخرتها موتة
بس اقلب في الأساطير
و امتلك كل روابط
أنباء و دقات الخبر
هشوف من بعد كسرة نفس
كسوة نفس ، وخاطر اتجبر
مش بعيد القي اللي واصل
معجزة وسيدة العبر
نفسي دي اللي ليها الأساس
كل حماس اللي انتصر
في الدقايق ، شئ يضايق
أكيد لما تعدها
لما تزهق ، تيأس ، تنفر
شئ يفرح بعدها
بعد اما ايدك ترتعش
من سلام طفلة في مهدها
نور الملايكة
والهلاك أسوار
شعاع الإيمان بيهدها
قصيده عالم منير للشاعره ولاء الحسيني
